• 首页
  • 即时比分
  • 篮球NBA
  • 国际足球
  • 中国足球
  • 综合体育
  • 彩票中心
  • 赛事分析
  • 报纸波经
  • 欧洲杯
  • 球坛百科
  • 首页 > 报纸波经 > 东方日报 > 正文

    佐藤家内讧 市原抢升班猎鲸

    时间:2017-11-11 08:13:31来源:互联网
    今日晏昼场日乙名古屋鲸鱼主场对千叶市原,表面睇两队争升班冇得唔搏,但其实喺呢场「佐藤家内讧」,鲸鱼赢唔到都冇坏,反而市原就要抢得1分得1分,心态完全唔同,鲸鱼要让平半,梗系博市原1.95倍下盘啦!
    (周六下午1时开赛)
    日乙依家剩番2轮,鲸鱼以72分排第3,落后次席长崎成功丸2分,骤眼睇佢的今场要赢先有望爬上第2位,攞到直升日职嘅资格,唔使踢3至6名升班附加赛咁麻烦。问题系长崎最后两场只系对尾4嘅讚岐卡马达马尼,同埋笃定降班嘅群马草津温泉,你话佢的会失分真系冇人信,所以稳入前4名嘅鲸鱼,根本可以叠埋心水打附加赛。相反排第9嘅市原暂落后第6位嘅德岛漩涡两分,但煞科两轮都系硬野,斗完鲸鱼跟手要撼目前同得62分嘅FC横滨,想踢附加赛场场都要搏。
    庄家调整赔率露手影
    鲸鱼唔只主场往绩佔优,今日更有加比尔沙维亚、八反田康平两个伤愈复出,中前场攻击力提升,但市原转打「4-1-4-1」阵式后豪取5连胜入13球,状态拍得住7战不败嘅鲸鱼,欧洲一啲早开盘嘅庄家,唔少都将鲸鱼嘅主胜由最初1.9倍上调到2倍,就知有啲野。况且今场系鲸鱼前锋佐藤寿人,同市原锋将佐藤勇人两兄弟史上第2次「双子对决」,早喺09年12月5日,细佬寿人带领广岛三箭以4比1打爆阿哥勇人嘅京都不死鸟。今年3月11日市原赢鲸鱼两球场波,因为勇人坐冷板,「佐藤家内讧」续集冇上演到,今次寿人礼让益番阿哥唔奇,反正鲸鱼和波无坏,宁捧受让嘅市原好过。

    声明:本网站所收集文字、图片等内容均系网民撰写或程序在互联网中自动收录转载,文章著作权归原作者所有,内容为作者个人观点。转载的目的在于非盈利传递更多信息及用于网络分享,并不代表本站赞同其观点和对其真实性负责,也不构成任何其他建议,只供参考之用。本网站不保证信息的准确性、有效性、及时性和完整性。

    如果您发现网站上有侵犯您的知识产权的作品和其它问题,请与我们取得联系,我们会及时修改或删除。